"Muzeylər tarixin aynasldlr" adlı tədbir

15 May 2025-ci il tarixdə Sabit Rəhmanın Ev-Muzeyinin, MİHİ Şəki Rayon Komitəsinin birgə təşkilatçılığı ilə "18-May Beynəlxalq Muzeylər Günü" münasibətilə "Muzeylər tarixin aynasıdır" adlı musiqili tədbir keçirilib.

Tədbirdə MİHİ Şəki Rayon Komitəsinin sədri Nəzakət Əliyeva, Şəkidə fəaliyyət göstərən bir sıra muzeylərin direktorları və təqaüddə olan muzey işçiləri, Şəki şəhər MKS-nin əməkdaşları, 3 nömrəli UMM-nin müəllimləri iştirak edib.

Muzeyin direktoru Pərvanə İskəndərova çıxışında bildirib ki, bu bayram qədim tarixə və zəngin mədəniyyətə malik Azərbaycanda da geniş qeyd edilir. Hər il bir deviz altında "Açıq qapı" elan edilir. Bu günün məqsədi muzeylərin cəmiyyətin həyatında nə dərəcədə mühüm rol oynadığını göstərməkdir. Muzeylər təkcə təbliğat müəssisəsi deyil, həm də elmi tədqiqat müəssisəsidir. Muzeylər mənəvi tərbiyə ocağıdır. Zamanın sərt sınaqlarına sinə gərmiş əbədiyaşar tariximizi yaşatmaqda muzeylərin rolu əvəzsizdir.

Tədbirdə çıxış edənlər bildiriblər ki, Azərbaycan vətəndaşı olaraq hamımız çalışmalıyıq ki, yeni nəsil mədəni vərdişlərlə tərbiyələnsin. Asudə vaxtlarında daha çox muzeylərə getsinlər.

Tədbirdə Emin Sabitoğlunun mahnıları ifa olunub, şeirlər səsləndirilib.