Əmək fəaliyyəti

1990 – 1996-cı illərdə AMEA Memarlıq və İncəsənət İnstitutunda kiçik elmi işçi, elmi işçi, baş elmi işçi,

1991 – 2017-ci illərdə Ü.Hacıbəyli adına Bakı Musiqi Akademiyasında əvvəl müəllim, sonra dosent, daha sonra professor,

2017 – 2018-ci illərdə Azərbaycan Dövlət Mədəniyyət və İncəsənət Universitetinin musiqi sənəti fakültəsinin dekanı vəzifəsində çalışıb.

30 iyul 2018-ci il tarixindən Azərbaycan Dövlət Mədəniyyət və İncəsənət Universitetinin rektorudur.

Elmi fəaliyyəti

1994-cü ildə “Azərbaycan təsniflərinin problemləri” mövzusunda namizədlik,

2012-ci ildə “Azərbaycan bəstəkarlarının mahnılarında poeziya ilə musiqinin qarşılıqlı əlaqələri” mövzusunda doktorluq dissertasiyası müdafiə edib.

2003-cü ildə dosent,

2017-ci ildə professor elmi adını alıb.

3 monoqrafiya, 3 dərs vəsaiti, 50-dən çox elmi, 40-dan artıq elmi-publisistik məqalənin, fənn proqramlarının və metodik göstərişlərin müəllifidir. Respublika və beynəlxalq miqyaslı bir sıra elmi konfrans və simpoziumlarda iştirak edib.

Digər

2010-cu ildən Azərbaycan Respublikasının Prezidenti yanında Ali Attestasiya Komissiyasının sənətşünaslıq və memarlıq üzrə ekspert şurasının üzvüdür.

Azərbaycan Bəstəkarlar İttifaqının idarə heyətinin üzvüdür.

2010 – 2014-cü illərdə “AzTv” və “Mədəniyyət” televiziya kanallarında efirə getmiş “Musiqi xəzinəsi” adlı verilişinin ssenari müəllifi və aparıcısı olub.

Təltifləri

• “Azərbaycan Xalq Cümhuriyyətinin 100 illiyi (1918-2018)” yubiley medalı (2018).

Ədəbiyyat

1. Məmmədov Ə., Xalıqov F. Mahmudova Ceyran // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 251. 

2. Mahmudova Ceyran Emin qızı (Sabitoğlu)  // Musigi Dunyasi. 

3. Mahmudova Ceyran Emin qızı (Sabitoğlu) // Məlumat kitabçası (2013–2019) / Azərbaycan Bəstəkarlar İttifaqı. — Azərbaycan Respublikası Mədəniyyət Nazirliyi. — Bakı, 2019. — Səh.: 164–165. 

4. Rektor : [arx. 15 Dec 2013 - 3 Mar 2020] // Azərbaycan Dövlət Mədəniyyət və İncəsənət Universiteti.