ŞƏKİ ŞƏHƏR İCRA HAKİMİYYƏTİ BAŞÇISININ 16.10.1996-CI İL TAİXLİ 1/538 №-Lİ SƏRƏNCAMINDAN ÇIXARIŞ
Şəki şəhərində görkəmli dramaturq S.Rəhmanın
ev-muzeyinin təşkil edilməsi haqqında:
Azəbaycanın görkəmli dramaturqu Mahmudov Sabit Rəhman Kərim oğlunun oğlu bəstəkar Emin Sabitoğlu Şəki şəhər İcra hakimiyyəti Başçısına müraciət edərək, dramaturqun Şəki şəhərində anadan olduğu evin ev-muzeyi kimi yaradılmasına və dəyəri ödənilmədən evin dövlətə bağışlanmasına köməklik göstərilməsini xahiş etmişdir.
27 sentyabr 1994-cü il tarixdə təşkil edilmiş komissiya evə baxış keçirmiş və evin əsaslı təmirə ciddi ehtiyacı olduğu haqda akt tərtib edilmişdir.
Göstərilənlərlə əlaqədar, Mədəniyyət nazirliyinə müraciət olunmuş və vəsaitin olmaması səbəbli, Nədəniyyət nazirliyi ev-muzeyinin ictimai əsaslarla yaradılmasına etiraz etmədiyini bildirmişdir.
Həmin məsələ fəallar yığıncağında müzakiə edilmiş və idarə, müəssisə, təşkilatların daxili imkanları hesabına təmir işləri aparılması qərara alınmış və bununla əlaqədar tədbirlər planı hazırlanmışdır.
Yuxarıda qeyd edilənləri nəzərə alaraq,
Q ə r a r a a l ı r a m :
Şəki şəhərində anadan olmuş, Azərbaycanın görkəmli satira ustası, dramaturq mərhum Mahmudov Sabit Rəhman Kərim oğlunun 90 illik yubileyinin yaxınlaşdığını nəzərə alaraq, onun anadan olduğu Ağvanlar küçəsi 51 "a" nömrəli ünvanda olan ev, dramaturqun ev muzeyi elan olunsun.
2. Ev-muzeyinin təmiri ilə əlaqədar tərtib edilmiş Tədbirlər planı təsdiq edilsin.
3. Ev-muzeyinin təmir işlərinə nəzarət edilməsi Şəhərin Baş memarı M.Həsənova tapşırılsın.
4. Evin varislərinin razılıqları nəzərə alınaraq, ev-muzeyində təmir işləri başa çatdıqdan sonra, ev muzeyini əvəzsiz olaraq Mədəniyyət şöbəsinin balansına verilsin.
5. Ev-muzeyinin dövlət müəssisəsi kimi işlədilməsinə köməklik göstərilməsi Mədəniyyət Nazirliyindən xahiş edilsin.
6. Sərəncamın icrasına nəzarət İcra Hakimiyyəti Başçısının müavinləri C.Nəbiyev və F.Məmmədova tapşırılsın.
N.L.ƏHMƏDOV.
Azərbaycan Respublikası Nazirlər Kabinetinin 07.09.2000 163 saylı qərarı,
Azərbaycan Respublikası Mədəniyyət Nazirliyinin 19.09.2000-ci il 235 saylı əmrinə əsasən.
Şəki şəhərində Sabit Rəhmanın ev-muzeyinin yaradılması haqqında
AZƏRBAYCAN RESPUBLİKASI NAZİRLƏR KABİNETİNİN QƏRARI
Azərbaycan Respublikasının Nazirlər Kabineti qərara alır:
1. Şəki şəhərində Sabit Rəhmanın ev-muzeyinin yaradılması barədə Azərbaycan Respublikası Mədəniyyət Nazirliyinin Şəki şəhər İcra Hakimiyyəti ilə razılaşdırılmış təklifi qəbul edilsin.
2. Azərbaycan Respublikasının Mədəniyyət Nazirliyi həmin muzeyin ştatlarını müəyyən olunmuş qaydada təsdiq etsin.
3. Şəki şəhər İcra Hakimiyyəti hər il Dövlət büdcəsindən şəhərə ayrılmış vəsait hesabına muzeyin saxlanılması və zənginləşdirilməsi məqsədi ilə lazımi tədbirlər görsün.
Azərbaycan Respublikasının Baş naziri A.RASİZADӘ
Bakı şəhəri, 7 sentyabr 2000-ci il
№ 163