Tamilla Mahmudova (1931-2014 )

Həyatı və fəaliyyəti

Beynəlxalq səviyyədə tanınmış pianoçu, Azərbaycan SSR xalq artisti, Rusiya Federasiyasının əməkdar artisti, Moskva Dövlət Pedaqoji Universitetinin musiqi fakültəsinin professoru Tamilla Mahmudova 21 aprel 1931-ci il tarixdə Bakıda anadan olub.

Təhsili

İlk musiqi təhsilini Azərbaycan Dövlət Konservatoriyası nəzdində xüsusi məktəbdə, məşhur pedaqoq, professor Kövkəb Səfərəliyevanın sinfində alıb.

1953-cü ildə Moskva Dövlət Konservatoriyasını,

1957-ci ildə isə Y.Zakın sinfində aspiranturanı bitirib.

Pianoçu fəaliyyəti

Repertuarına Qərbi Avropa və rus klassik bəstəkarlarının ən mürəkkəb, virtuoz əsərləri daxil idi. Azərbaycan bəstəkarları Ü.Hacıbəyli, Q.Qarayev, F.Əmirov, A.Məlikov və A.Sultanovanın musiqisi də onun konsert proqramlarında həmişə xüsusi yer tutub.

Təltif və mükafatları

“Azərbaycan SSR xalq artisti” fəxri adı (1974);
“Rusiya Federasiyasının əməkdar artisti” fəxri adı (1994);
“Şöhrət” ordeni (2002)[1];
Azərbaycan Respublikası Prezidentinin fərdi təqaüdü (2004)[2].

Digər

Musiqi haqqında çoxsaylı məqalələr, xatirələr kitabı yazıb.

İlk dəfə iki yaşı olanda Nuxada (indiki Şəki) – babasının evində “Offengerr” şirkətinin (Almaniya) istehsalı olan röyalı görüb və bu onun çox xoşuna gəlib. 73 yaşı olanda yenidən babasının evinə – indiki Sabit Rəhmanın ev muzeyinə gedib və həmin röyalı öz yerində görəndə xeyli kövrəlib, başlayıb ağlamağa.

Vəfatı

12 sentyabr 2014-cü il tarixdə – 83 yaşında, Moskvada vəfat edib.

Ailəsi

Atası

Mahmudov Zahid Kərim oğlu — 17 fevral 1903-cü il tarixdə Nuxada anadan olub. 3-cü dərəcəli hərbçi-baytar-həkim (rus.: военветврач) idi. 1928-ci ilin noyabr ayından sovet ordusunda xidmət edirdi. Böyük Vətən müharibəsində – 1942-ci ildə həlak olub. Məşhur yazıçı, dramaturq və ssenarist Sabit Rəhmanın (1910–1970) böyük qardaşı, tanınmış bəstəkar Emin Sabitoğlunun isə əmisidir.

Uşaqları

Oğlu: Mikayıl (jurnalist).

Qızı: Cənnət (musiqiçi-konsertmeyster).

Ədəbiyyat

Махмудов Заид Корим-оглы // Память народа.
T.Z.Mahmudovanın "Şöhrət" ordeni ilə təltif edilməsi haqqında // E-qanun.az. — 2002. — 2 aprel. — Müraciət tarixi: 03.09.2022.
Azərbaycan Respublikası Prezidentinin fərdi təqaüdlərinin verilməsi haqqında // E-qanun.az. — 2004. — 23 dekabr. — Müraciət tarixi: 03.09.2022.
Иманов В. Горячая азербайджанка, или Путь от рояля в горах Шеки к мировой славе…Тамилла Махмудова [rus.] // Trend. — 2021. — 21 апреля.
Azərbaycanın Xalq artisti Tamilla Mahmudovanın 90 yaşı tamam olur // Bakı Şəhər Mədəniyyət Baş İdarəsinin rəsmi saytı. — 2021. — 21 aprel.

Google Sites

Report abuse